“Kaei kaba phi leh, wat tuklar ia kiwei”, ong u bah Metbah ia kiba thmu ban pynkam kmie ia ka masi

Shillong: U President ka UDP u bah Metbah Lyngdoh ula ong ba ka jingthmu jong ka kynhun ki riew ngeit Hindu ban khang bam doh masi, kam long kaba bha bad kan long ka jingpynwit ia kiwei.

Haba kren mynta ka sngi, u bah Metbah ula ong ba kam long ia ka kynhun ban wanrah ia ka jingthmu kaba kum kane kaban wanrah ia ka jingthut bad ka jingpynwit ia kiwei.
U la ong ba dei ban burom mar kylliang, kano kano kaba ki ngeit ki leh, kim dei ban pynwit pat ia kiwei pat khlem.
Lah ban kdew ba ka kynhun ki riew ngeit Hindu, ka Gau Pratishtha Andolan ka la pynkhreh ban pyllong ia ka jingiaid rally ha nongbah Shillong ha ka 2 tarik Risaw ban wan, ban pynbna ia ka masi kum ka kmie ka ri India, ha kaba ym shah shuh ban bam doh, ban pyniap ia ka.

Kiwei ki seng sain pyrthei naduh ka Voice of the People Party (VPP) ka la pyrshah ia kane ka jingthmu katei ka kynhun ki Hindu ban pynbna ia ka masi kum ka kmie ha ka ri India namar ioh ba kan wanrah pynban ia ka jingsngew iapher niam.
Ka Congress, ka NPP bad ka sengbhalang ka HYC kila pynpaw dang shen ia ka jingpyrshah jur ia kane ka jingthmu kane ka seng ki hindu ban khang bam doh masi, bad ban pynbna ia ka masi kum ka kmie ka ri India.