Lada ka Gau Dhwaj Yatra kan pynlong beit ia ka rally, ngin pynlong syndon da ka jingkhawai bam doh Masi:HYC

Shillong 20 Nailur: Halor ka jingmih khubor, ba ka Gau Dhwaj Yatra ka ba pynlong kmie ia ka masi, kan sa Kum ba ka Hynniewtrep Youth Council dangshen ka la leit tur sha Shillong Press Club ban pynlong da ka jingiakynduh bad ki nongialam khang bam doh masi, ha kaba ka seng kam shem la ioh ban kynduh ha katei ka sngi.

Ka HYC ka pynpaw ia ka jingpyrshah ia ki riewshitniam ki ba thmu ban pynkylla ia ka Riti ka Dustur u Khasi bad ban kyntu ruh ia ka sorkar ban ym ailad ia ki na kum kitei ki riewshitniam ba kin wan iaid paidbah ha ka ri Khasi.

Ha ka jingiakren bad ki lad pathai khubor u President ka seng u bah Roykupar Synrem u la ong, ba katkum ka kynhun Gau Dhwaj Yatra ka thmu ban wanrah ia kawei ka niam ha ka Ri India ban pynlong ia ka Masi kum ka Kmie hi baroh kawei, ka ba ymlah ban pdiang ha ka ri lum Khasi.

Shuh shuh u bah Roykupar u la ong, ba kada kine ki kynhun niam kin pynlong shisha ia katei ka jingiaid paidbah da kaba pynbna ban nym bam shuh ia ka doh Masi, ka seng kan sa pynlong syndon ia ka jingkhawai bam doh masi.