Jah rngai ka khynnah 11snem na iing ka kong Agnes

Jowai, 19 Naiwieng: Kawei ka khyn nah kaba dang 11 snem ka rta ka la jah rngai na iing jong ha East Jaintia Hills
Katei ka khynnah kadei kaba la tip kyrteng kum ka Risa Talang khun jong ka kong Silda Talang kiba dei shnong trai na Nongjngi Khliehshnong hynrei kiba la sahlang noh bad u kurim khyllah jait jong ka uba trei dewiong haduh mynta ha ka thain Moolait, ong ka tyllong khubor.
Katei ka khynnah ka la poi sah ha Lad-Sutnga dei hadien ba ka kong Agnes ka la pan na ka kmie ba duk jong ka ba kan shah ba kan sah bad ka namar ba ka la heh khun lut bad ka shngain ha ka juh ka por kan phah skul ia ka, la ong ka khubor pulit. Hynrei kyndit ha ka 17 tarik katei ka khynnah ka la jah noh ha ka por 7 pm. Hadien ba ka kong Agnes ka la pyntip sha ka kmie jong ka, baroh ar ki la leit sha thanad ban ujor ktien sha ki pulit ha ka 18 tarik hynnin ka sngi. La iathuh ruh ba na ka liang ka shnong Lad-sutnga ka la pyrta shnong ban leit wad ia katei ka khynnah. Mynta ka sngi pat ki pulit ki la ioh ia ka jingujor kaba da ka jingthoh na ka kmie jong katei ka khynnah kaba la iathuh kumno ba ka la poi jah noh na iing khlem da kynnoh iano kano. Na ka liang ki pulit ki la register case bad pynngat ia kiba donkti ban pynjah rngai ia ka ha ki kyndoh rahbor (kidnapping)
Na ka liang ki pulit kila kyrpad ia ki paidbah ba lada ki iohi ia kane ka khynnah kin sngewbha ban phone sha ki pulit, ki rangbah shnong jong ki hi.