Ym don network, ka ding ka bym thikna ha land port Dawki, ujor u MP

Shillong: U MP ka Shillong, u Dr. Ricky Andrew J Syngkon ula ujor sha u Aditya Mishra, u Chairman, Land Port Authority of India, ka tnad kam pohiing ka ri kaba dei ia ka kam khappud, halor ki jingduna bad ki jingdkoh ka rukom treikam ka Land Port ha Dawki, West Jaintia Hills, ka Meghalaya.

Ha ka shithi kaba la u phah ha ka 18 tarik Nailur 2024, u Dr. Ricky u la pynpaw ia ka jingkmen ia ka jingwanrah ka sorkar India ia ka Land port ha Dawki, hynrei ha kajuh ka por, ha ka jingleit jurip jong u dang shen, ula lap ba ka don shibun ki jingduna naduh ka jingbym biang ka bording, ka jingbym don network.

U MP u la ong ba ka la donkam ruh ban pynheh ia ka surok bad ban don ka iing pyndait thah ban buh ia ki mar ki mata, nalor ka bank ban iasiew iatda ha katei ka jaka bad ka ri Bangladesh.
U Dr. Ricky ula pynsngew ruh ia ka jingdonkam ban don ki briew kiba tbit bad ban thungkam ia ki samla kane ka jylla ha ki kam kiba lah ki briew trai muluk.