Shillong: Ka Jyootish Pethadshwar Shankarapah, ka kynhun Hindu, kan pynlong ia ka ‘Kaau Dhwaj’ ban pynbna ia ka masi kum ka ‘kmie jong ka Jaitbynriew’ ha Shillong ha ka 2 tarik u Risaw.
Ka jingialang bad ki lad pathai khubor ha kane ka bynta kam lah ban long hadien ka jingiakhih kaba la pynlong da ka seng Hynniewtrep Youth Council (HYC) ha khmat ka jaka jong ka Shillong Press Club ha ka sngi palei.
Na ka liang jong kaen ka kynhun, ka ong “Ngi la kylli bunsien na ka bynta ka jingbit ban pynlong ia ka jingialang pathai khubor na ka kynhun pathai khubor jong ka sor Shillong hynrei ngim pat ioh ia ka haduh mynta. Kumta, ngim lah ban pynlong ia ka jingialang pathai khubor.”
Ka kyrwoh ka la pyntip ruh ba “Shankaracharya Ji ula buh por ban poi ha Shillong, Meghalaya ha ka janmiet jong ka 1 tarik u Risaw. Ha ka 2 tarik u Risaw un shong ha ka jaka buh ia u Gau Dhwaj bad un pynpoi ia ka jingkren ha Gau Mahasabha. Hadien kata, un bteng ia ka jingleit sha West Bengal.”
“Ka thong jong kane ka Gau Dhwaj Sthapana Bharat Yatra ka long ban pynkynmaw ia ki nongmane masi ha ka ri baroh kawei, ban pyniasoh biang ia ka burom bad ka burom jong u masi ba kyntang, bad ban tyrwa halor jong ka ia ka kyrdan ‘Rashtra Mata’; bad ka motto ka dei ‘Ka Mata, Rashtra Mata – Rashtra Mata, Bharat Mata’,” ka la ong.
U Shailedra u la pyntip ruh ba ka Gau Dhwaj Sthapana Bharat Yatra kan sdang naduh ka 22 tarik u bnai Nailur.
Hadien kane ka Yatra, u Gau Pritishtha Mahasammelan un long ha ka por jong ka Gopshtami ha Delhi, ha ka 7 tarik u Naiwieng, bad 9tarik, ha kaba kan long kaba kut jingmut sha ka Sorkar India ban pynkut noh ia ka jingpyniap ia ki masi bad ban burom ia u masi kum u Rashtra Mata.
Na ka liang ki pulit ka jylla ki la wan ban syrtap ha ryngkat ka rah lathi ha Shillong Press Club naduh ka 11 baje mynstep.
Ka jingwan ban syrtap ki bor pulit ha Shillong Press Club ka dei hadien, ba ka seng Jagatguru Shankaracharya Ji Maharaj ka pynbna ban wan sha ki lad pathai khubor, halor ka jingialap ban khang bam ia ka doh Masi.
Ki bor pulit ki la wan ban syrtap ban khanglad ia ka seng Hynnoewtrep Youth Council (HYC) hadien ba ki ioh khubor ba ki kwah ban iakynduh ia kane ka kynhun.
Ha kane ka sngi la sakhi ruh, ba ka seng HYC dangstep ka la wan sha Shillong Press Club ha ryngkat bad rah ki plakat ba la thoh,”Ka Masi U Ksew kim dei ki kmie jong ngi, ka hok bam doh ka shong ha ngi”.
La iohi ruh, ba ki bor pulit ki la khanglad ia ki nongialam ba hakhmat jong ka seng HYC ban rung sha Shillong Press club.
god bless HYC