La weng noh ia ka snam, kaba don ha syrtap jabieng jong U bah Prestone

Shillong: Ka khubor sorkar, kaba dang shu ioh mynta ka miet, ka iathuh ba mynta ka sngi, ki doktor, ki la weng noh ia ka snam, kaba don ha ka syrtap jabieng jong U bah Prestone Tynsong, symbud myntri rangbah, uba don mynta ha ka jingshah sumar ha Apollo Hospital lane kaba ki ong temporal parietal craniotomy with evacuation of SDH. Ka khubor, ka iathuh ba utei u rangbah, u koit u khiah bha bad yn sa kynriah noh na ICU, ynda hadien, ba la peit bha ia ka jinglong ka jingsumar, kaba la leh mynta ka sngi.