Ka jingkynnoh shah batbor kadei tang ka jingpynthohbria ia ka seng:Draibar taxi

Shillong 12 Nailur: Ki nongniah kali kamai ka Rhino stand Lawsohtun Taxi Driver Association ha ryngkat bad ka synjuk ki nongniah taxi mynta ka sngi palei ka 12 tarik nailur 2024, ki la leit ban iakynduh ia u Superintendent of Police ka East Khasi Hills District u bah Sylvester nongtnger, halor ka jingshah kynnoh batbor kawei ka samla lut ha u nongniah kali kamai taxi. 

Ha ka jingiakren bad ki lad pathai khubor ki nongialam ba niah kalai kamai taxi ki la Ong, ba ka jingkynnoh shah batbor katei ka samla lut ha ka miet jong ka 09 tarik kadei tang ka jingpynthohbria ia ka seng, namar ki iathuh ruh, ba mar shu ioh jingtip ia kane ki la lum lang ia baroh ki ki nongniah kali kamai ban kylli mano ba leh ia kane ka kam, hynrei kim shem la lap.

Katkum ka jingkynnoh ba la mih ha ki rynsan social media, ba katei ka samla lut ka la tied da u maw na ka khlieh jong u tei u draibar ban lait na ka jingshah batbor hynrei ka seng ka la Ong, ba ym don u wei ruh u ba mong ne mynsaw ka durkhmat ba shah tied da u maw.

“Mynta ki paidbah ki ba wan ban shong kali ha ka stand Rhino ko don ka jingtieng ka jingsyie bad nym shaniah shuh ia ki kali taxi ba ha katei ka jaka da ka ba shah kynnoh batbor ia ka samla”, la Ong ki nongkamai taxi.

Ka seng ka la kyntu ruh ia baroh ki passenger ba kin long ki ba akdar bad ban long ki ba shemphang namar naduh mynshwa ki paidbah ki shaniah ia ngi ki nongkamai taxi bad kane ka jingjia shah kynnoh thombor katei ka samla ym dei ki nongniah taxi na Rhino bad lada ki paidbah ki shong kali kin dei ban wan shong beit na Stand khnang ban nym jia kaei kaei ka ba sngewsih.

Ka seng ka la pynrem jur ruh ia u ta u nongniah kali kamai u ba shim kabu ban thombor ia ki passenger.

Kum ban shu pynkynmaw hangne ba kane ka jingjia shah thombor ia katei ka samla lut, kadei ka ba la jia ha ka miet jong ka 09 tarik mynta u bnai nailur 2024.