Shillong: U nongrwai icon Akon, un wan ban pyn lynguh ia ka tamasa Cherry Blossom, da ki jingrwai ba pynum ryndang jongu, ha ka 16tarik Naiwieng 2024. Ka jingwan jong U Akon, kan dei ha ryngkat ka jingwan lang jong ki nongrwa ba pawnam, ki Boney M bad ki R3HAB.
Kane ka rynsan ia rwai, ka dei kaba la pynbeit da ka Rockski EMG ha ka jingiatreilang bad ka Akon company, Konvict Touring bad kane ka dei kum shi bynta na ka jingleit rwai jong U Akon sha kylleng ka pyrthei, kaba dei ha ki bnai Naiwieng haduh U Nohprah bad kaba kynthup ia 8 tylli ki ri jong ka pyrthei.
Ha kane ka snem, kan don ka jingrwai jong ka kynhun Boney M, ha kaba ka nongrwai kaba don ha katei ka kynhun naduh kaba sdang, ka Maizie Williams, kan don ban sam paidbah ia ka sur ba shngiam jongka.
La sdang ban die ia ki tiket jong kane ka tamasa, na ka BookMyShow.com bad ka dor jong ka tiket, ka long ₹3,299 na bynta ki jaka shong paidbah, katba ia ki jaka shong ba kyrpang lane VIP, ka dor ka long ₹8,999.
Phi don ban ong eiei?