Suba ba u shipai u la dih palat pud palat, ba sa thiah lyngktar ha madan

Shillong 04 Nailur: U wei u shipai Border security Force u la thiah lyngktar ha ka wei ka sem kaba don jaka iaid iaid pyngngad ha Golflink ha ka 4 tarik u Nailur 2024.

Kiba pahara ha katei ka jaka ki la iathuh ba ki tei ki shipai ki don 2 ngut ki la rung naduh 7 baje mynstep bad haduh ka 12 baje shiteng sngi, u wei na pdeng kito u la thiah lyngktar ha madan .

Katkum ki tyllong khubor la iathuh, ba ia u tei u shipai la suba jur ba dei ba u la dih palat pud ia ki jingdih pynbuaid kaba la pynlong ia u ba um lah shuh wat ban shong bad u hap ban shu thiah ha madan.

Na ka liang ki pulit jong ka Pasture Beat House hadien ba ki la ioh jingtip mar mar ki la wan ban kit noh ia u tei u shipai na ka tei ka jaka.