Ki nong Meghalaya ki donbok palat namar ki long kumba ki sah sha bneng:CH Vijayashankar

Shillong 03 Nailur: U Lat ka Jylla Meghalaya u CH Vijayashankar ha ka sngi Ba ar ka 03 tarik Nailur 2024 u la leit ban jngoh ïa ka Khasi Heritage bad ka Law kyntang kaba don ha Mawphlang.

Ha kane ka sngi la pdiang smgewbha ia u Lat ka Jylla da u Chief Executive Member ka KHADC u Bah Pynïaid Sing Syiem, ha ka jingiadonlang u Dy. CEM Bah PN Syiem, Bah Titostarwell Chyne Nongïalam ka liang pyrshah, ki Executive Member, u Lyngdoh Hima Mawphlang, ki Myntri, nalor kiwei kiwei.

U lat ka Jylla u CH Vijayashankar haba kren ha kane ka sngi u la pynpaw la jingsngewkmen ba ki nong shong shnong ka jylla Meghalaya ki long ki ba donbok namar kilong kumba ki sah sha bneng ka jingitynnad ka mei mariang.

U la ong, ba ki shynrang ha ka jylla Meghalaya ynda ki la shonglok ki hap leit sah ha ka iing jong ka kynthei katba kiwei pat ki jaitbynriew ka kynthei ka hap leit sah sha iing u shynrang.

“Na ka liang u bah Pyniaid pat haba kren bad ki lad pathai khubor u la ong, ba ka daw ba pynlong ia ka council ban khot ia u lat ka jylla sha katei ka jala ka long,ba u lat ka jylla u ba dangshim thymmai ia ka kam ba un tip khambha ia ka jinglong kyrpang ka Riti ka Dustur u Khasi”.