Yn ia kynduh ki 13 seng, ia ka myntri kam poh iing

Jowai, 17 Naiwieng: Ha ka jingialang ki 13 tylli ki sengbhalang na ri lum Jaintia mynta ka sngi ki la shim ia katei ban leit ia kynduh ia ka Home Minister bad ban ujor ruh sha ka National Human  Rights Commission halor ka jingshah siat um, pynbthei lyer sat khmat bad shah bom lathi ki samla pule ka Kiang Nangbah Government College.
Ha katei ka jingialang, ki nongialam bad ki dkhot ka ka JSU,JYF,HNPF-JHU,MPUF,HNYF-JHU,KSU-JHU, RJYF, WJNC, JSM, CRJM, JNU, NWYF bad ka HYC.Ngi la rai ban ia kynduh ia ka home Minister na ka bynta ban kyntu ia ka ban tuklar ia ka jingujor Ejahar pyrshah ia ki nongialam sengbhalang bad ia ki nongialam ka KNGC Students Union, la ong ka kyrwoh khubor kaba la phah da u nongialam ka JYF u bah Poipynhun Majaw.