Sangeh ri bad die syiar, ong ka JAC ia ki kompeni

Nongpoh 17, Naiwieng:
Ka Joint Action Committee jong ka Meghalaya Poultry Farmer Welfare Association (MPFWA) bad ka Ri Bhoi Broiler Farmer Association (RBFA) ka la dawa mardor ia ka Primary Progressive Multipurpose Cooperative Society bad kiwei kiwei ki society ban sangeh noh shisyndon ban ri bad shalan ia ka dohsyiar ha ka jylla hi baroh kawei namar ba kane ka la ktah jubor ia kam jongki kum ki trai shnong.
Ka JAC ka la shim ia kane ka rai ha ka jingialang kaba la pynlong mynta ka sngi ha Auditorium Hall jong ka Ri Bhoi Sepngi Presbyterian Umsning Nongthymmai.Ka JAC ka ai jingkyrshan ia ki samla ban ieng ha la kjat da kaba sdang ia ka kam lajong ha ka kam ri .Mmynshwa ki la don ki kompani kiba kynthup kum ka AMRIT bad ka SONA kiba leh tang ia ka kam ri syiar bad kim shym la die ne pyniaid iew hadien la mih pat ki synjuk ne ki society kiba la pyntreikam da ki briew jong kitei hi ki kompani ka AMRIT bad ka SONA pyniaid iew syndon shalan ia ka dohsyiar ha ka jylla.
“Ka jingleh jong kine ki society ka la ktah ia ka kamai kajih bad ka jingtreishitom jong ki trai muluk kiba ju leh ia kane ka kam ban ieng hala kjat”, ong kine ki nongialam ka JAC.bad dawa shisyndon ba kine ki society ki dei ban sangeh noh ia ka kam ri syiar bad shalan syiar hapoh kane ka jylla.