Bun bha ki paidbah, kiba peit ia ka phlim Lyngkar

Shillong: Ki paidbah, ki ia bun bha kiba wan peit ia ka phlim Lyngkar, kaba dang pyni mynta hapoh Bijou Cinema hall Shillong.

Haba ioh ban ia kren bad ki katto katne ki paidbah ki ong ba kane ka phlim, ka dei kaba itynnad haduh katta katta khamtam ha kane ka juk ba mynta ba jyllei bha u drugs, ki bun kiba iam haba ki peit ia kane ka film namar ki kynmaw ia ka jinglong samla ia ka jingim lade, ki la ong ruh ba kane ka film ka itynnad palat palat bad ka ai ruh ka jinghikai ia ka imlang ka sahlang.

Kum ban shu pynkynmaw ia kane ka film la ak da ki khlur ak film ka jylla kiba la paw bha hapoh YouTube kum u Paheh, i Puliaw, U Kohduh, Sanmi, i Arman Disiar, Anthony khyriem uba dei u nongrwai ha kajuh ka por, ryngkat u kers Channel u nongleh commedy hapoh YouTube, ia kane ka film la direct da u Bah Elegis Thongni.