Shillong: U MLA ka North Shillong u bah Adelbert Nongrum u la kynnoh ba ka jingshim por slem haduh hynriew snem tam mynta ban pynkynriah ia ki kharmetor na Them Iewmawlong, ka dei ka buit pynslem ka sorkar jylla.
Haba kren mynta ka sngi, 28 tarik Nailur 2024, u bah Adelbert u la ong ba ka jingdawa pynkynriah ia ki kharmetor ka dei ka jingdawa jong ki paidbah hynrei ka sorkar ka kwah ban pynslem ban shim ia ka rai, bad kane ka pyni ba ka sorkar kam don ka mon ba skhem bad ka jingangnud ki paidbah ka la shu kut tang ha ka jingap khmih lynti.
U la ong ba ka jingdawa kam dei ban beh ia ki hynrei ka dei tang ban pynkynriah na katei ka jaka. U la ong ba wat ia ka State Reservation Policy ruh ka sorkar ka la thaw ia ka Expert Committee ban ai por shi snem hynrei haduh mynta la palat shi snem, khlem pat ioh eiei.
“Ngan ong kumno kane ka la sahteng la 6 snem, ka dei ka jingdawa jong u paidbah, kam dei ka jingdawa jong nga kum u MLA ne tang ki sengbhalang. Na ka liang ka sorkar ka la don la kajong ka buit pynslem ba ka kwah ban pynslem ban shim ia ka rai. Ka donkam ia ka sorkar ban don ka mon sain pyrthei, bad ia kane ka mat ban pynkynriah ia ki Kharmetor, kam dei ban beh ia ki. La iakren na ka por sha ka por, la shu kut tang ha ka jingap khmih lynti, hynrei ym dei tang kane, ka State Reservation Policy ruh ka la poi sha ka Expert committee lano kan poi, watla iakut shi snem bad mynta ka la dap shi snem”, la ong u bah Adelbert.
“Kane ka pynpaw ia ka jingtlot ka sorkar, ba kim don ka monk aba skhem namar ba kiba bun ki mat la tuklar ka Kashari, bad kane ka pyni iaka jingdkoh ka jingbym don ka mynsiem bad ka mon ban trei ia ka bit ka biang u paidbah”, u la ong.
Kum u MLA ka thain, u bah Adelbert u la ong ba um kwah ban kren eiei halor ka jingpynslem ka sorkar ban pynkynriah ia ki kharmetor hynrei un peit shwa ha kine ki sngi namar ba naduh ba sdang ka sorkar kam kynthup lang ia u ha ka High Level Committee watla u dei u MLA ka thain.
“Ngam don eiei ban kren namar ba naduh ba sdang ka sorkar ka khlem kynthup ia nga ha ka HLC wat la nga dei u MLA ka thain bad ngin sa peit shaei kan ialam”, la ong u bah Adelbert.
Lah ban kdew ba ka Harijan Panchayat Committee ka la pan por biang na ka sorkar ba kan ai jingtip haduh u bnai Nailur ban wan.
ka sorkar NPP-UDP-HSPDP-BJP ka dei tang ka business sorkar ban kiew spah tang maki…Kine ki don ka thong ban phaida naka kam contract ne ban shim hi dalade bad kin kamai naka aiwai naka warehouse etc….ka don ka buit kaba tang kine ki tip bha…Donbok ba ka nym urlong haduh da wan syndon u Prah
Wat da wai ka pyrthei ka sorkar Meghalaya kan nym pynkynriah ia ki Harijan na them iewmawlong