Shillong 27 Nailar: U MP ka Lok Sabha na shillong parliametary seat u Dr Ricky AJ Syngkon ha ka 27 tarik Nailar 2024 u la leit ban jurip ia ka Neigrihms hospital, Shillong na ka bynta ban khmih ia ki jingduna kiba don hapoh katei ka hospital.
Ha kane ka sngi leit jurip ia katei ka hospital la wan synranlang u bah Dani langstieh ba dei u Finance Secretary bad u bah shemborlang Rynjah ba dei u join secretary jong ka seng.
Haba ia kren sha ki lad pathai khubor hadien ba la dep ban jurip ia ka hospital u Dr. Ricky AJ. Syngkon u la pynpaw, ba kadei ka kamram jong u ba un leit peit ia ki jingduna hapoh ka tei ka hospital.
Watla kadei ka hospital kaba la rim bha hynrei u la ong, ba ka dang don shibun ki kam ba hap ban leh ban nang pynbha shuh shuh ia katei ka hospital khnang ba kan long ka jingmyntoi ia ki paidbah ka jylla bad kumjuh ruh ia kiba na kiwei pat ki jylla kiba don sha ka thain lam mihngi.
Shuh shuh u la ong ba un iai buddien ban pynlong ia ka NEIGRIHMS kum ka National Important Institute bad u la ong ba da ka jingiatreilang ki doktor ki nurse ki nongshah sumar bad ki nongtrei hapoh kane ka hospital yn lah ban pynurlong ia kata ka jingthmu.
Phi don ban ong eiei?