Pynkhreh ka NPP ban pdiang burom ia 2 ngut ki MLA ka Congress sha ka sem

Shillong, Nailar 19 : Ka National People’s Party (NPP) kala pynkhreh bya, ban pdiang sngewbha ia ki ar ngut ki MLA ka Congress ki ban wan ban pyniasoh sha ka sem jong ka NPP mynta hi ka janmiet sngi Nyngkong ka 19 tarik nailar 2024.

U Myntri Rangbah ka Jylla u Conrad K Sangma, uba dei ruh u National President ka NPP, un sa wan phai noh na Ri-lum Garo, ban iadonlang ha ka jingialang pdiang burom ia kitei ki arngut ki MLA ka Congress ha Shillong.

Kat kum ka khubor ba ioh lum, ki arngut ki MLA ka party Congress ki ban sa leit pyniasoh noh sha ka sem jong ka NPP ki ky thup ia u bah Gabriel Wahlang u MLA ka Nongstoin, u bah Charles Marngar u MLA ka Mawhati.

Kum ban shu kdew hangne ba ka Meghalaya Pradesh Congress Committee (MPCC) myn ha ka sngi thohdieng taiew ba la dep, kala sospon ia kitei ki arngut ki MLA haduh 6 snem namar ka jingiadon jingiadei bad ka Sorkar MDA-2.

Kumba long mynta, ka Congress ka la don 4 ngut ki MLA ha ka Iingdorbar Thaw Ain ka Jylla. Hynrei ka rai ba ka MPCC ka shim kadei kaba la thikna, ba ka jingleit pyniasoh ki MLA ka Congress sha ka NPP kan long mynta ka janmiet.

Ka party NPP baroh ku MLA mynta ki don 28 ngut bad da ka jingwan ban pyniasoh sa kine ki 2 ngut ki MLA kane ka Party Congress kan kynjoh sha ka 30 ngut.