Daiñ beh seng ka Congress ia u MLA na Nongstoin bad Mawhati

Shillong:Mynta ka sngi ka seng Congress kala beh seng ia u MLA ka Nongstoin bah Gabriel Wahlang bad u MLA ka Mawhati bah Charles Marngar na bynta 6 snem.

Ha ka shithi kaba la phah sha u bah Gabriel Wahlang bad bah Charles Marngar, ka general secretary ka MPCC ka kong Wansuk Syiem kala ong ba ka seng kala beh seng ia u bah Gabriel bad bah Charles halor ki kam pyrshah seng jong u, ban iasoh sop sop bad ka sorkar MDA, kaba ialam ka NPP.

Ka la ong ba ia kane ka rai ka party kala shim hadien ba kala ioh ia ka Block Committee ka Nongstoin Block Congress bad ka tnat samla jong ka party.
Ka jingleh jong u bah Gabriel ka long pyrshah ia ka nongrim ka party bad halor kane, la beh seng 6 snem.
U bah Gabriel u dei u MLA bad MDC ka Congress na Nongstoin.

Shwa ia kane, la don ka jingher ka khubor ba ki 3 ngut ki MLA ka Congress kynthup bah Charles Marngar na Mawhati bad u Dr. Celestine Lyngdoh na Umsning ki lah ban leit rung noh sha ka NPP.