Ngam kwah kren eiei, phi hap hi ban thoh, ba phin pyndap khubor, ong U Abhishek, halor ka daw ba ula iaphet bad ka Aishwarya

New Delhi:Hadien, ba la mih ka jingiakren kaba jur bha ha kine ki sngi, ba u Abhishek bad ka Aishwarya Rai Bachchan, ki la ia shong khlad, hynrei u Abhishek Bachchan, ula pyni da ka sati synjat jongu bad kaba u ong “Dang don lok” lane “Still married.”

U Abhishek, u ong shuh shuh “Ngam kwah ban kren eiei ia katei ka mat, namar ba phi la thoh palat than, hynrei nga sngewthuh, balei ba phi leh kumta, namar ba phi hap ban pyndap khubor. Kam lei lei, ngi dei ki riew pawkhmat, ngin hap ban shu sngap”.

Ka jingiaphet lok jong u Abhishek bad ka Aishwarya Rai Bachchan, ka la pur bha ha kine ki sngi bad ka la paw bha ruh, haba u Abhishek bad ka Aishwarya, ki ia leit la ka jong ka jong, ha ka jingleit sha ka jingiathoh shong kurim, ha u bnai ba ladep.

U Abhishek Bachchan bad ka Aishwarya Rai, ki ia poi kha ha u snem 2007 bad ki ioh ia ka khun kynthei jongki, ka Aaradhya ha u naiwieng 2011.