Hap ka liengsuin ha Brazil, kaba kit ia ki 62ngut ki briew

Ka liengsuin kaba kit ia 62ngut ki briew, ka la hap ha Vinhedo, Brazil, mynta ka janmiet sngi thohdieng, ong ka khubor.

Katei ka liengsuin ATR-72, ka dei kaba la pyniaid da ka Voepass Linhas Areas bad ka dei ban leit na Cascavel, na ka jylla Parana, sha Guarulhos, ha Sao Paulo. Don ki dur kiba iohi, ha kaba katei ka liengsuin, ka leit hap sha ki jaka ba don bun ki dieng bad ka mih sa ka jingkem ding bad sa ka tdem kaba lynguh na katei ka jaka ba ka hap.