Shillong 07 Nailar: U bah Sanbor Shullai MLA ka South Shillong Konstitwensi na ka party BJP u la bthah ia ki shipai BSF ki ba pahara, ba kidei ban siat beit ia ki nong Bangladesh lada ki wan rung beain hapoh ka Ri India.
Ia kane u bah Sanbor Shullai u la kren sha ki lad pathai khubor ha Dawki, Pyrdiwah mynta ka sngi hadien ba u la leit ban jurip ia ka katei ka jaka, halor ka jingsngewkhia ia ki paidbah ki ba don ha ka jingtieng ba ki nong Bangladesh kin sa wan tamput ha Ri India.
Ha kane ka jingleit jngoh nakaliang u Bah Sanbor ia ki paidbah ka shnong Pyrdiwla, la shem, ba ki paidbah ki la pynpaw ba kim don ka jingtieng ka jingsyir namar ba ki shipai BSF ki ai ka jingkyrshan ba pura ia ki paidbah
Hadien ka jingjia iakhih jong ki samla oule ka Ri Bangladesh ha kine ki sngi bad ka ba dang iai btheng haduh mynta, ki nong Bangladesh ki ka thmubbaj rung shapoh ka Ri India sha ka shnong Pyrdiwah, la ong u hah Sanbor.
U bah Sanbor u la btha ruh ia ki Shipai BSF ba kin pynkhlain ia ki bor pahara ha ki jaka khappud baroh khnang ba ki nong Bangladesh kin nym ioh lad ban rung laitlan sha ka Ri India bad ba ki nongshong shnong ha baroh ki khappud kin shongsuk shongsain.
Kumba long mynta ki paidbah ki dang shongsuk shongsain hynrei kim tip pat ia ka ba lashai kaei ka ban jia lada ki nong Bangladesh ki ioh ban rung sha ka Ri.
Shuh shuh u la phah ka khubor sha ki nong Bangladesh ba kin long ki ba Peitngor ba kin nym dei ban wan tur sha ka Ri India bad lada jia ba ki wan rung beain ki shipai kidei ban siat beit bad lada kan jia ka thma ka Ri India ka long ka ba la khreh.
ki BSF kim da tip lut ki jaka ba pei kumba tip bha kine ki khar Bangladeshi te ban ong ba ka BSF kan iada 💯% te kaba um lah long…Ka BSF mynta ka long highly corrupted kumba ong mano re ha kine ki sngi..