Guwahati: Ka kynhun Hindu- Kutumba Surakshya Parishad (KSP) ha ka sngi ba ar ka la byrngem ban leit pakhang surok pyrshah ia ka jylla Meghalaya ban register ia ka jingpyrshah pyrshah ia ka jingkhang ia ki riew ngeit Hindi ban leit duwai ha krem Mawjymbuin ha kane ka jylla Meghalaya.
Ha kane ka taiew ba la dep, ka Dorbar Shnong Mawsynram ka la khang ia ki riewngeit niam Hindu ban ai jingduwai ha katei ka krem, kaba pawnam na ka bynta ka jingtei maw kaba pynlong tynrai ia kaei kaba ka niam Hindu ka ngeit ba ka dei ka “Shiva Ling”.
U President ka Kutumba Surakshya Parishad (KSP) u Satya Ranjan Borah haba ai jingkren ha ka jingïalang bad ki nongthoh khubor ha Guwahati Press Club ha ka sngi ba ar u la ong “Ngi donkam ïa ka jubab na ka bor synshar ka jylla Meghalaya. Lymda kumta, ka sorkar Meghalaya kan iakynduh ia ka jingpyrshah kaba shisha hangne ha Assam; ki lah ban long ki jingjia kum ka jingkhang ia ki surok sha Meghalaya lyngba ka Jorabat (Guwahati); Paikan (Goalpara) bad kiwei pat ki surok baroh.”
“Ngi shu ai ia ki jingkynthoh jong ngi ia ki kam pyrshah Hindu jong ki. Lada ngin hap ban sdang ia ka Action; kin nym ioh por wat ban leh eiei,” la ong u Borah
U Borah u la ong ruh ba ka ophis jong u Myntri Rangbahduh ka ri India; bad ka ophis jong u Secretary General jong ka United Nations ka dei ban pan na u Myntri Rangbah ka Meghalaya ban pynkhuid ia ka jingieng jong ka sorkar jong ki. Shuh shuh la kyntu ia ka sorkar Meghalaya ba kan weng noh mardor ia ka jingkhang bad ki dei ban pynbeit bha ban leh niam ha ka Shiv Ling da ki Hindu ha ki sngi ba kyntang jong u bnai Shraban.
“Ka krem Mawjymbuin ka kynthup ïa ka Shiv Ling kaba la thaw da ka mariang ka la long ka jaka mane blei bad sadhana jong ki Hindu kiba sah ha Meghalaya. Wat, u Blei Shiva uba bun bha u leit sha katei ka jaka ban pyndep ia ki jingleh niam Hindu jong ki man la u snem, khamtam ha u bnai Shravan”, la ong u Borah.
“La ïohi ba ka bynta kaba khraw jong ki briew ki dei na ka jaidbynriew Khristan bad katto katne kiba ki khot ka seng soskular jong ka Meghalaya ba la synshar da ki Missionary Khristan; la pynjari khang ia ka jingmane Hindu hangta. Hato kane ka dei ka jinglehkai,” u la kylli.
“Ha ka jaitbynriew synshar paidbah bad ka kolshor kum ka ri India; ka jing- pyrkhat; kane ka dei ban jia; hato ngi dei ban pynbyrngia ne shah ia kane ka jait kam pyrshah kolshor? Ka sorkar meghalaya ka leh aiu hangta? Hato kim bud ia ka riti synshar jong ka ri India? Is u Myntri Rangbah ka jylla Meghalaya; baroh kiwei pat ki nongpyniaid jylla bad ki nongshim bynta jong ka jylla ki shah bthah ha ki mishoneri Khristan ban sngap jar hangne,” u la buh jingkylli ruh.
U la ong ba ka Kamakhya Temple ka dei ka jaka mane Blei jong ki Hindu ha Assam kum ka Mahakaaleswar ha Ujjain (MP) bad ka Temple Tirupati Balaji ha Andhra Pradesh. Kine ki jaka baroh ki dei ki jaka jngohkai pyrthei kiba kongsan na ka bynta ki jylla bapher bapher. “Te, balei ba ka krem Mawjymbuin kam lah ban long ka jaka jngohkai pyrthei hadien ba ka la long ka jaka mane blei jong ki Hindu? Nga pyrkhat ba kam dei ka kam jngohkai pyrthei; ka dei ka kam buit buit jong ki Khristan Missionary ban pynjah burom bad pynjot ia ka jingngeit bad ka kolshor Hindu ha ka jylla Meghalaya; bad katkum kata pynhiar dor ia ka riti synshar jong ka ri India,” u la ong ruh.
Haba shim khia ia ka jingshah lehbein jong ki Hindu ha Bangladesh, une u nongialam Hindu u la ong ba kane ka long kaba sngewsih haduh katta katta ban iohi ia kane ka jait kam Jihadi kaba la leh hapoh ka shatri jong ka niam Islam ha Bangladesh. Ki Jihadi na ka Islamic radicalized Jamaat-e-Islami ryngkat ka jingiarap bad jingkyrshan ba sngewrit jong ka seng Bangladesh (BNP) ki la pyniap ia ki Hindu buh ding ia ki iing bad ki temple jong ki Hindu ha ki jaka bapher bapher jong ka Bangladesh hadien ka jingphet wir u Myntri Rangbahduh ka ri Bangladesh u Sheik Hasina,” u la ong.
U Borah u la ong ba ka jingpynshitom bein kaba pyniap ia ki Hindu ha Bangladesh kam dei kaba thymmai. Ka la long ka kam kaba la slem bad ka la long ka jingtim ia ka jinglong Hindu ha Bangladesh. “To long kiba koit ba khiah bad ai ba ki para marjan jong phi kin long kiba koit ba khiah. To long kiba sbun bad ai ba ki para marjan jong phi kin long kiba sbun. Lym kumta, ngin sa sngewsih. Lada don kano kano ka jingpynshitom bein shuh shuh ia ki Hindu ha Bangladesh; nangta, ngin ym kitkhlieh ïa ka jingpynjot kaba lah ban jia bad ki longïing hangne kiba dei na kajuh ka Jihadi Umbrella,” ong u nongïalam Hindu ruh
“Ngi la kyntu jur ïa ka ophis jong ka The Assistant High Commission of Bangladesh ha Guwahati ba kin ïakren bad ki paralok jong ki bad ban pynsangeh noh mardor ïa ka jingpynïap pathar ïa ki Hindu ha Bangladesh. Lym kumta, ka riti dustur jong u briew kan duh noh ia ki jinglong jong ki; bad ka pateng thymmai ka lah ban im ha ka jingiaumsnam kum ki mrad,” u la ong.
“Ngi, ki Hindu ngi burom shisha ia ka niam bad jingngeit jong kiwei bad ngi kwah ia kijuh kiwei pat. Hynrei, ka long kaba sngewsih shibun ban mad ïa ka jingleh be-ijot ïa ki Hindu ha ka Jylla Islam kum ka Bangladesh bad ka Pakistan,” u la ong.
“Ngi sngewtynnad ban kyrpad ïa ka ophis jong u Myntri Rangbahduh ka ri India bad u Secretary General jong ka United Nations; sngewbha peit bniah ia kane ka kam bad ban leh ia kaba donkam ha ka por kaba kloi,” u la bynrap.
to ailad Noh iaki
balei phim khang naduh ba sdang
nga sngew sheptieng ioh Kan long thma
Lada dei ka kane ka jaka ka dei hi ka jaka mane ki Hindu naduh myndai hynthai te ngam tharai kan don jingeh tangba kam dei naduh ba sdang ka jaka lehniam te ka DS Mawsynram kam dei ban ailad da lei2..une u nong byrngem u iaid daka buit ka RSS/VHP/Bajrang Dal.. Um dei ban shah jem ha kine ki khar assam..Naduh mynno u mut pynjemdaw ia ngi .