Hiar shuki ka Sheikh Hasina, jong ka Bangladesh, ka la phet rieh noh sha kawei pat ka ri

Ki lad khubor, ki iathuh ba ka Sheikh Hasina, myntri rangbahduh ka Bangladesh, ka la hiar shuki mynta ka sngi bad la iathuh ba ka la phet rieh noh ruh, na katei ka Ri. Ka Hasina, ka hiar shuki, hadien ka jingiap briew, kaba poi shispah ngut ha ka jingiakynad kaba naduh hynnin ka sngi ha ki bynta bapher jong katei ka Ri.

Kiwei ki lad khubor, ki iathuh ba u paidbhur, ula leit rung ruh ha ka iing sah jong ka Hasina, mynta ka sngi ha Ganabhanan, kaba ha Dhaka, ha kaba ki la rung bad pynjot thiaw ia ki jingdon jingem jong katei ka iing sahjong ka Hasina.

Ka Sheikh Hasina, ka la phet rieh ha ryngkat bad ka para jongka, sha ka jaka kaba shngain, ong ki lad khubor.