Khluit tar ka Jaya Bachchan, ia u lamphang dorbar, ba u khot ia ka “Jaya Amitabh Bachchan”

New Delhi: Ka Jaya Bachchan, ka la khluit tar, ia u lamphang khynnah jong ka Rajya Sabha, U Harivansh Narayan Singh, tang namar ba u khot ia ka, da ka kyrteng “Jaya Amitabh Bachchan”.

Halor kane ka mat, ka Jaya, ka la ujor tyngeh ia u lamphang khynnah, ba u khot ia ka, da ka kyrteng jong u tnga jongka bad ka la ong “Sir tang Jaya Bachchan, ka la biang”, hynrei ha katei ka por, u lamphang khynnah, ula kynthoh, da kaba ong ba ka kyrteng jongka, ha ophis jong ka iing dorbar Rajya Sabbha, ka thoh “Jaya Amitabh Bachchan”.

Katei ka jubab jong u lamphang dorbar, kam shym la pynhun mynsiem satia ia ka, da kaba ka ong “Kane ka dei ka buit thymmai, ha kaba ia ki kynthei, yn ithuh da ki kyrteng jong ki tnga jongki. Kane ka pyni, ba ki kynthei, kim long briew ne kim don bor eiei satia nalade” ong katei ka MP jong ka seng Samajwadi Party.