Ba don ka jingkajia hapdeng 2ngut ki trai ka khyndew, ka council ka la pynsangeh pynthymmai ia ka lisen u bar jylla:Gigur

Shillong 25 Naitung: Hadien kumba Katto katne kynta ei ei, ba ka Hynniewtrep Youths Council (HYC) ka la leit ban kynduh ïa u Executive Member Trade ka Khasi Hills Autonomous District Council (KHADC) u bah Gigur Myrthong,halor ka jingpyni bor u trai ka karkhana sainjri ka  M/S Rubber Resource Pvt Ldt ha Mawsmai, Ri Bhoi, ban dawa jingpynshai na u Trai Kharkhana ula dep pynthymmai ne em ia ka Trading License ïa kaba ka seng ka la ïoh jingtip ba u trai katei ka kharkhana u khlem pat pynthymmai ïa ka lisen bad ban ai jingmut ruh  ia ka council ba kadei ban leit khangtala hi ia katei ka Kharkhana hapoh shi taïew lymkumta ka seng kan leit khangtala ia ka KHADC ka bym donbor ban pyntreikam ia ka aiñ.

Ha ka jingiakren bad ki lad pathai khubor ha ka janmiet jong ka 25 tarik u Naitung, 2024, U bah Gigur Myrthong u la pynshai, ba ka council ka khlem shong khop hynrei ka la shim ïa ka sienjam ban phah ïa ka kynhun tohkit (enquiry team) ban leh ïa kaba donkam bad katkum ka jinglap ka kynhun tohkit ( enquiry team ) ba ka don ka jingïakajia hapdeng arngut ki trai jong katei ka jaka, ïa kaba na ka Liang ka council ka la pynsangeh ban pynthymmai ïa ka trading lisen.

“Nalor kata u la ong ruh ba shuwa ban shim ïa kano kano ka rai ka council kan hap ban ap shwa katkum ka jingai jingmut u nongïasaid aiñ ka council namar namar ban leh kulmar kam long”, la bynrap u bah Gigur.

U la ong, ba ha ka jingiakren bad u president ka seng HYC u bah Roykupar Synrem u la pynpaw, ba  nakaliang ka council ka la shim ia ka step hynrei ngi hap ban ap ia kapor namar nakaliang ka council ruh, ban shu leh klumar kam iahap ngin hap phikir namar ngi hap iaid katkum ki kyndon.

Shuh shuh u la ong, ba ynda hadien ba ngi la ioh ia ka jingai jingmut na ka nongiasaid ain ka council, ngin sa shim ia ki kyndon kumno ngin leh ha kaba iadei bad katei ka jingtrei (Factory) jong u bar jylla ka ba don ha Mawsmai.