Shillong: U MLA ka Rajabala constituency,u Dr Mizanur Rahman Kazi, ha ka sngi nyngkong, ula leit aiti ia ka dorkhas sha ka Expert Committee halor ka Reservation Police bad dawa ban ai jingithuh noh ia ki Deshi Muslim trai shnong ba shong ba sah ja ki jaka them jong ka Ri-lum Garo kum ki Other Backward Class (OBC) bad ban ai bhah ruh 5%.
Ia kane ka dorkhas la aiti sha u Justice (Retd) MC Garg, Chairman ka Expert Committee halor ka Reservation Policy ka Jylla ha ka sñgi nyngkong.
U Kazi ula kren halor ka histori bad ka jinghiar pateng jong ki Muslim kiba sah ha ki jaka them ka Ri-lum Garo lem bad ia ki tynrai jong ki naduh ka por jong ki Mughal Empire. Ula kdew ruh ia ki riewkhraw bad ki jaka sahnam kum ka lum jingtep u shipai General ki Mughal Mir Jumla hajan Ampati bad u Dargah Sharif ka Hazrat Peer Shah Kamal Baba ha Mahendraganj.
Haba kren ia ka jingkiew ha ka ioh ka kot jong kine ki kynhun jaidbynriew ba shong ba sah ha ki bynta jong ka ri lum Garo ki long ki ba dang sahdien bha bad ka dei ruh kaei na ki thaiñ kaba la shah ieihbein bha ha ka jylla,u la ong
Haba iakren bad ki lad pathai khubor hadien ba aiti ia ka dorkhas, u Kazi ula ong “Nga la ai ia ki katto katne ki jingai jing mut haba iadei bad ka jingpynbeit thymmai ia ka Reservation Policy. Ka jingai bhah ka dei ka kam kaba eh bha. Nga la pyrshang ban batai ia ka histori jong ki briew ba sah ha ki jaka them ka Ri-lum Garo”.
U Kazi u la pynkynmaw ruh ia ki 1600 snem mynshwa, ha kaba kine ki briew ki la don lypa ha shwa jong kane ka snem bad ki Muslim ha katei ka jaka kim dei satia ki poiwir, ki la sah hangtei naduh ba la la don ka jaka bad shwa ban ïoh ia ka jylla Meghalaya, naduh ka por bym pat phiah ia ka jylla Assam bad naduh ka por jong ki Mughal.
Haba kylli ia ki jingai jingmut, u Kazi ula ong “Ki don artylli ki mat. Kawei ban ithuh noh ia ki jaidbynriew Muslim kum ki OBC haba khmih ia ka rukom im bad ka ioh ka kot jong ki. Kaba ar, nga la kyrpad ban ai bha ba 5 % ia ki”.
Haba kren ia ka jingsam bhah hapdeng ki Khasi-Jaintia bad Garo, u Kazi ula ong “Kaei ka bhah kaba ki hynmen ki para Khasi, Jaintia bad Garo ki ioh, nga khlem ktah ia kane. Ka jingkyrpad jong nga ka long ban ai 5% na ka General quota” ula ong.
Kumban shu pynkynmaw, hadien ka jing shah thngan ba 10 sngi tam jong u nongialam jong ka parti Voice of the People Party (VPP) u bah Ardent M Basaiawmoit ha u bnai Nailur myn shymsnem kaba la ïoh jingkyrshan na ki paidbah jong ka rilum khasi-jaintia, ka sorkar ka la thung ia ka Experts Committee ban peit bniah biang ia ka reservation policy jong u snem 1972.
Ha kaba ia kane ka committee la thung ban bishar bniah bad ai jingmynjur ia ka jingpeit bniah ia ka reservation policy kaba la don palat phew snem.
pan sha Bangladesh jaka uba u wan te sngew iahap.
hangne tang ki jong lajong ruh um ioh bam sa ka pan lamwir une u poiei kaba khlem akor kaba palat.
ieng skhem ioh jah kumba jah ki nong Tripuri.