Shillong 13 Naitung: Ki pulit ka Laitumkhrah police station mynta ka sngi saitjain ka 13 tarik u Naitung 2024, ki la khot biang ia u president ka Nongthymmai Circle u samla Erik Nongkynrih,ban wan sha thanad.
U samla Erik u dei ruh ia u ba la shah kem ha ki bor pulit shiteng synnia jong ka 11 tarik mynta hi u bnai.
Ha ka jingiakren bad u Samla Erik Nongkynrih u la ong, ba ka jingkhot ki pulit kadei halor ka jingleit ban khynra work permit ka seng ia ki nongtrei bar jylla hapoh ka nongbah shillong myn ha kine ki sngi ba ka dep.
Haba iadei bad ka jingleit kem ki pulit shiteng miet ia u na iing sah, u la iathuh, ba kadei ka sien ka ba ar bad kumta u la ong, ba katba ki bor pulit ki dangiai kyndang bad khynra, ka mynsiem ieid ri kan dangiai rhem.
U samla Erik u la iathuh ruh, ba ha ka miet ba ki pulit ki wan kem ia u na iingsah ban rah sha thanad, ki la aidaw ba kin shu shim jingthoh ne statement, hynrei u la ong, ba lada ki kwah iakata ki dei ban wan kem mynsngi mynshai.
Shuh shuh u la ong, ba ka jingwan khynra ki pulit ha ka shiteng miet kalong tang ban pyntieng ia ki bahaiing bad ban pynsmiej ia u, hynrei katba ki dang pyntieng ngam lei lei bad ka mynsiem ba shynrang kan dangbteng bad ka seng kan dang iai bteng beit ban khynra ia ki bar jylla ki bym don ia kot ki sla ki ba biang ban wan trei ha nongbah shillong.
Ka seng kan nym shong kli kti kan iaid beit sha khmat ban nangpynjur shuh shuh ban khynra ia ki bar jylla, la bynrap u samla Erik Nongkynrih.
Phi don ban ong eiei?