Shillong 11 Naitung: Ki pulit jong ka East Jaintia Hills District ha ka sngi palei,kata ka 11 tarik u naitung 2024, ki la pyntip ba ki la ioh ban kem ia uwei ia u suba la donkti ba u donkti ban pyniap ia ki 4 ngut ki briew ha iew umpleng.
Kum ban shu pynkynmaw hangne, ba kitei ki 4 ngut ki briew ki la shah pyniap dusmon kadei ka ba la jia ha ka 6 tarik Naitung, da kaba la sheh teh lang hajuh ïa ki kti bad ki kjat bad shah mait da ki kynja wait na ki khlieh jong baroh kitei ki 4 ngut bad ïa kine ki briew la lap da ki paidbah nong shong shnong ha lyndet ka Ïew Umpleng.
Napdeng jong Kitei ki 4 ngut ki ba la shah pyniap dusmon la ioh tip kyrteng tang ia 3 ngut, ba kynthup ia u Ravi Rai ba la don 23 snem ka rta, uba dei na ka shnong Elam ha Mechipradesh, Nepal, u Rajesh Rai ba la don 26 snem ka rta,na ka shnong Dharan Sunsari kaba ha Koshi Anchal, Nepal bad uwei pat u Nazar Kyndait, 33 snem rta, uba dei na ka shnong Dkhiah, East Pohshnong, East Jaiñtia Hills District katba ia wei pat ym shem la pat tip kyrteng.
“Nakaliang u Superintendent of Police ka East Jaintia Hills la iathuh, ba ki pulit ki la ioh ban kem ia utei u briew ia u ba la suba ba u donkti, ban pyniap dusmon ia kitei ki 4 ngut bad ka jingtohkit mynta ka dang iaid shakhmat ban iohkem sa ia kiwei pat kiba donktilang ha kane ka kam”.
Phi don ban ong eiei?