Tang hapoh 15 sngi, phra tylli ki jingkieng, ki la shah rong noh ha ka um ha Bihar

Ka jingkieng kaba phra, ka la shah rong noh mynta ka sngi ha Bihar bad katei ka dei ha Saran district bad kane ka jia hapoh 15 sngi ha katei ka jylla.

Katei ka dei ka jingkieng, kaba la tei ha ka wah Dhamahi, kaba don hajan Dhodh Asthan Temple.

Katei ka dei ka jingkieng, kaba la tei ha u snem 2004, ha kaba ka don sa kawei ka jingkieng, kaba la tei da ki British, ha ka wah Gandaki bad kaba lyngngoh, ka long ba ka jingkieng ba la tei da ki British, kam shym la wit eiei ruh em, hynrei katei pat, kaba dang shu tei dang 10 snem mynshwa, ka la khyllem noh. La iathuh ba ha ki khyndiat sngi, ka don ka jingpynkhuid ia ka um, ha katei ka rud wah bad ynda haba la dep pynkhuid, la pyllait um sha katei ka wah bad ka dei ha katei ka por, ba ka jingkieng ka la khyllem noh.
Ha ka video, ba la ring da ki riew paidbah, la iohi, ba ka jingkhlain jong ka um, ka la pynpei thliew ia ki paia bad ka dei na katei ka daw, ba ka sa rong syndon wut ia ka jingkieng baroh kawei.