“U briew u don ar tylli ki met”

AIS Suja

Shisien pyrkhat lehse kan long kaba sngew kyndit ban ong ba u briew u don ar tylli ki met, hynrei kane ka long kaba shisha ba u briew u don ar tylli ki met. Ka met ba kynja doh bad ka met ba kynja mynsiem (Physical body and spiritual body). U briew u pher na u mrad, namar u briew u long u briew uba ha bar (outer man) bad u briew uba hapoh (inner man). Ki mrad ki don ar kyrdan (dualistic) ka met bad ka mynsiem (soul). U briew pat u long lai kyrdan (tripartite) ka body, soul, spirit, ka met, ka mynsiem bad ka mynsiem spirit. Lada u briew u kut tang ha ka body and soul, kata ka mut um pher na ki mrad, hynrei namar ba ka don ka spirit, kata kein ka long kaba kordor ia u briew ha u Blei.

Shisien mynwei kane ka mynsiem spirit ka la dkut noh ka jingiadi hapdeng u briew bad u Blei, ha kper Eden. Hynrei i ka jingieit bah u Blei ba u la bteng biang ia ka jingiadei bad u briew.
Haba u Blei u la thaw ia u briew, u la ong – “To Ngin ia thaw ia u briew ha ka dur jong ngi, katba kum ka jingsyriem jong Ngi, ‘Jong ngi’ ka mut – U Blei u Kpa U Blei u Khun ba u Blei u Mynsiem Bakhuid. Genesis 1:26. Kine ki long Lai person ha uwei u Blei. Te haba Blei u ong – ‘Ha ka jingsyriem jong Ngi, kam mut ba u Blei ruh u dei kum u briew ha ka doh. “U Blei te u dei u Mynsiem” (God is Spirit)” Ioanis 4:24. Lada u Blei u long Lai person, u briew pat u long ha ki Lai kyrdan. Kiei kita? U lei u la pyllong ia ka met na ka dewmet ia u briew. “Bad u Blei u la pyllong ia u briew na ka dewmet ka khyndew” Genesis 2:7. Nangta ia une u briew uba u Blei u la shu thaw la buh ia u ha ka mynsiem. “Bad u la pyrsad ha ki thliew khmut jong u ia ka jingpyrsad ka jingim” Genesis 2:7. Haba u Blei u la pyrsad ha une u briew khynew u briew u la kylla don ka jingim mynsiem. “Bad u briew u la kylla long ka mynsiem (SOUL) kaba im” (And ma became a living soul)” Genesis 2:7. Hangne ka pyni ba u briew u long Lai kyrdan: Ka met (body) ka mynsiem (Soul) bad ka mynsiem ba pynim (Spirit). Kumta haba u Blei u la thaw briew u la thaw BODY, SOUL AND SPIRIT. (Ka science kam lah ban shemphang kaei ka SPIRIT).

Kumta kane la pyllong ba u briew un im ha kane ka doh (Physical realm). Kumta, u briew u long Lai kyrdan: Spirit realm, Physical realm, Soulish realm. Kaba phyla ka long – ynda u Blei u la pyrsat ha u briew da ka Mynsiem Blei jong U, u briew u la kylla uba im bad kata kaba im, ka dei ka mynsiem (Soul) na kata ka daw ka Bible ha ka ktien phareng ka ong – “AND MAN BECAME A LIVING SOUL”. Ka jingdon ka spirit na u Blei ka pynkylla im ia ka mynsiem (Soul) ha u briew. Kumta u briew u don ka met ba kynja doh ba la thaw na ka dewmet ka khyndew.

Kumta u briew uba ha kane ka met ne doh u hap ban iap ynda la dei ka por, balei? “Naba na ka dewmet me long bad sha ka dewmet men leit phai pat” for dust you are, and to dust you will return. Genesis 3:19. Kumta u briew u hap ban iaid lyngba ka lynti ka jingiap kaba ha kane ka met ba kynja doh. Ia u briew uba habar ba ha ka doh la ong OUTERMAN.
Mynta pat ngin phai sha u briew uba ha ka mynsiem (Spiritual Realm) une u briew mynsiem u don hapoh ka met u briew hi. Ka Bible ka ong – “u briew uba hapoh INNER MAN. U briew uba halor u long tang kum ka synduk namar uta u briew uba hapoh (inner man) u long uba im bymjukut bym u iap, na kata ka daw la ong ba u briew um ju iap (Man is immortal).

To ngin ia peit ia u briew uba ha ka met bad ia u briew uba ha ka mynsiem. U briew uba ha ka met ne doh, u don san tylli kiei kiei kum ka jingiohi ka jingsngew, ka jingmad, ka jingiw, bad ka bor tba (touch). Kaba kynja mynsiem pat, ka ai jingim ia ka met, ka jingiakren bad u Blei (fellowship with God), ka jingtiplem (Conscience) ka jingtip ba maian (intuition). Une u briew ba long mynsiem (Spiritual) u long uba kordor tam ha u Blei. Na kata ka daw u Blei u ong – “Phi (ia ka met) phim tip ba phi long ka iing shong u Blei? Bad u Mynsiem u Blei u shong sah hapoh jong phi? 1 Korinth 3:16. Na kata ka daw Blei u niew kordor shibun ia une u briew uba hapoh jong nga jong phi. Ong u Blei – “Ngan kham pynkordor ia briew ban ia ka ksiar ba la phrang”. Isaiah 13:12. Ym ia uta u briew uba halor hynrei ia uba hapoh (inner man).

Ka ktien u Blei ka ong – “Ba uta u briew uba habar (outer man) (u briew ha kane ka doh) jong ngi u nangjot nangjot (nang tymmen nang tymmen). Pynban uta u briew ba shapoh (Inner man) u la nang shait ha la ka sngi (ka mut u briew mynsiem um ju tymmen ne iap)” 2 Korinth 4:16. Dei hangne ngi sngewthuh ba ha uwei u briew don ar ngut ki briew, u briew uba ha ka doh bad u briew uba ha ka mynsiem. Kane ka doh ne ka met ba u Blei u la thaw na ka dewmet ka khyndew ka long tang kum ka synduk ne ka iingtrep shipor. U Aposol Paul u ong – Ngam khmih shuh ia kita kiei kiei kiba ngi iohi (da kane ka khmat doh) hynrei ia kiei kiei ruh ki bym iohi, namar kiei kiei kiba ngi iohi (ha kane ka pyrthei) ki long tang shipor, hynrei kiei kiei ki bym iohi ki long bymjukut kein” 2 Korinth 4:18. Ka mut ba kiei kiei ba ka khmat mynsiem kan iohi ki long bymjukut shuh. Hangne ngi sngewthuh ha u briew don ar tylli ki met kaba pyut bad ka bym pyut kein.

Ka ktien u Blei ka iathuh shai kumne: shaphang ki kynja met ha u briew – “Don ki met ba kynja bneng, don ki met ba kynja khyndew 1 Korinth 15:39 ……. la bet ia ka kum ka met ba kynja doh hynrei yn pynmih pat ia ka kum ka met ba kynja mynsiem – “Kumba don met ba kynja doh, don ruh ka met ba kynja mynsiem (If there is a natural body, there is also a spiritual body)” 1 Korinth 15:44.
Hangne ngi sngewthuh ba u briew um dei tang u briew uba ha kane ka met, hynrei u dei ruh uba kynja mynsiem (Man is a spirit). Namar kata to u briew un niew kordor ia la ka jingim kumba u Blei u la ong ha u Isaiah “Ngan kham pynkordor ia u briew ban ia ka ksiar ba la phrang” Isaiah 13:12. Na kata ka daw u briew baroh un sa ieng shah bishar hakhmat ka khet bishar u Khrist ha kawei ka sngi. Jingpynpaw 20:12-15. U briew um kut tang ha kane ka met, hynrei un sa shah bishar ha kaba kynja mynsiem, ka rai ka don hangta – sha Bneng ne sha Dujok. Jingpynpaw 20:12.