Jur slap tam ha Mawsynram, hynnin ka sngi; yn dang ther jur u slap lashai ka sngi

Shillong: Ka jinghap slap hynnin ka sngi ha Shillong, ka long 121.1mm, katba mynta ka sngi, ka long 12.8mm. Mynhynnin ka sngi, ka jinghap slap ha Sohra, ka long 313.4mm, katba mynta ka sngi, ka long 30.4mm bad ha Umiam, hynnin ka sngi, ka jinghap slap, ka long 68.6mm, katba mynta ka sngi, ka long 20.0mm.

Ka tnat peit mariang jong ka sorkar India, ka India Meteorological Department (IMD), ka iathuh ba kan don ka jinghap slap kaba kham jur ha ki bynta jong ka nongbah Shillong bad ki jaka ba marjan ha ki 24 kynta ban sa wan bad kan don ruh ka jinghap slap, kaba jur bad kaba jur bha, ha ki bynta jong ka jylla, ha kaba kan don ruh ka jingkhie eriong bad tied pyrthat ha kiba bun ki jaka.
Ka jinghap slap, ha Mawsynram, hynnin ka sngi, ka long 447.2mm, katba ha RKM Sohra, ka long 472.4mm bad ha Mawkyrwat South West Khasi hills, ka long 450.0mm.