Jur slap tam ha Mawsynram, hynnin ka sngi

Shillong: Hynnin ka sngi, ka jinghap slap ha Shillong, ka long 37.1mm, katba mynta ka sngi, ka long 14.8mm, katba ha Sohra, hynnin ka sngi, ka jinghap slap, ka long 186.2mm bad mynta ka sngi, ka long 71.2mm. Ha Umiam, hynnin ka sngi, ka jinghap slap, ka long 24.0mm, katba mynta ka sngi, ka long 4.6mm.
Ka tnat peit mariang jong ka sorkar India, ka pyntip, ba ha ki 24 kynta ki ban wan, kan don ka jinghap slap kaba malu mala lane kaba kham jur, ha ka nongbah Shillong bad ki shnong ba marjan bad katei ka tnat, ka ai jingmaham, ba ka jinghap slap, kan long kaba jur bad kaba jur bha ha kiwei pat ki bynta jong ka jylla, ha kaba don ka jingkhie eriong bad ka jingtied pyrthat bad meh leilieh ruh.