U kandidet ba pawnam jong ka Canada, namar ba u ioh nod ha ka ilekshon

Ki don ki katto katne ngut, kiba nud ban leit ialeh elekshon sha ki Constituency, kiba kim don wat tang ia la ka jong ka vote ruh bad kane ka mat, ka ia syriem bha bad uwei u kyrtong, uba mih ialeh elekshon ha kawei ka Constituency ha Canada, ha kaba um ioh satia tang shi vote ruh.

Katei ka leit jia ha ka elekshon, kaba dang shu pynlong shen ha Toronto – St Paul, ha kaba U Felix Antoine Hamel, uba don 45 snem ka rta, u ioh 0 vote ha katei ka jingiakhun elekshon jongu, ha ka lah Sngi U Blei ba ladep.

“Mar ia iohi ia ka result, nga sngew kumba nga dei pynban u kyrtong, uba wan rah ia ka jing iatylli lang jong ki paidbah, ha kaba ym don uwei ruh uba kwah ban kyrshan ianga” ong U Hamel sha ka CBC News.

U Hamel, um shym lah ruh wat ban thep ia ka vote lajong, namar ba um dei satia, uba shong ba sah ha katei ka Constituency ha Toronto-St Paul bad u iathuh ruh, ba um shym la pynleit jingmut bha satia, ban leit kanbas ha shwa ka elekshon.