Shongsyier ka jingkieng Umdud ha Majai, naba twa ka kynroh

Shillong: Ka kynroh jong ka jingkieng Umdud, kaba dei kawei na ki jingkieng kaba pyniasoh sha ka kad khaii sha Majai, ka la twa hynnin ka miet bad ka jinghap jong ka kynroh jong ka jingkieng, ka la pynsyier ia ka leit ka wan jong ki trok kit maw lem bad kiwei de ki kali, kiba wan na sha ka lain Sohbar bad Nongjri ban leit sha katei ka kad khaii.

Ha ki khyndiat taiew ba ladep, ki bor District, ki la khang ia ki kali, kiba kit palat ia ka 12 ton, ba kin iaid lyngba jong katei ka jingkieng, hynrei da kane ka jinghap jong ka kynroh, kaba kyrshan ia ka jingkieng na shapoh khyndew, ka la buh jingeh ia ka leit ka wan bad ka la pynsier ia ki nongiaid nongieng, khamtam ia ki trok kiba kit maw.