90ngut ki riewngeit Muslim, na India; ki la iap naba jubor palat ka jingshit ha Haj

Ki riewngeit Muslim, kiba leit iaid riewblei sha Haj, ki la iap sha ka 645ngut, na ka daw jong ka jingshit tasam ha katei ka jaka mane blei jong ki Muslim. Na kitei kiba iap, ki don ruh 90ngut ki nong India, kiba iap, na katei ka jingshit kaba la jubor than ha kine ki sngi. La iathuh ba ki dang don shuh shuh, sa shibun ki nong India, kiba dang jah rngai, na ka daw jong katei ka jingshit kaba la jubor sat.

Hynnin ka sngi, ki bor sorkar ha Mecca, ki kam, ba ki don 550ngut kiba iap, ha katei ka jaka mane blei.
Ka jingleit mane blei sha haij, ka dei kawei na ki bynta ba kongsan tam jong ka niam Muslim, ha kaba uwei pa uwei u Muslim, u die ban leit la kumno kumno shisien ha ka jingim jongka, sha katei ka jaka lehniam. Ka jingshit ha Mecca, ha kine ki sngi, ka long 50 degree celcius, kaba dei ka jingshit kaba palat, haba ia nujor ha ki snem ba ladep.