Shillong:Ka sorkar jylla mynhynnin ka sngi ka la mynjur ban ai bor ha ki Deputy Commissioner jong ki district bapher bapher ba kin rai hi, ban pyntreikam ia ka Roster system, katkum ka bhah thungkam ka jylla ha ki district jongki.
U nongaiktien ka sorkar, u bah Paul Lyngdoh u la ong ba lyngba kane ka rai ka sorkar, ki kam kiba hap ha district kim donkam shuh ban phah sha ka tnad Personal hynrei u Deputy Commissioner u lah ban leh ha ka bor jong u.
Katkum ka office memorandum ka sorkar ha u snem 1972, la mang kyrpang 80 percent ia ki kam ha ki district ia ki Khasi-Jaintia ha ki district ba hap ha rilum Khasi bad 80 percent ia ki Garo ha ki district kiba hap ha rilum Garo.
“Da kane ka rai ka sorkar, ki Deputy Commissioner kim donkam shuh ban phah ia ki kam kiba lait ha ki kyrdan district sha ka tnad personnel Department hynrei ki lah ban rai hi katkum ka bor jongki”, la ong u bah Paul.
Lada ka long ha kata ka rukom ka por kan poi ba ki DC kin kylla long tang ki remote control jong ki minister bad kiba don ha kabor. Ka jingtim kan hap ha U kup shiliang u sem shiliang.