Ther jur u slap ha Mawsynram haduh 781mm, bud ka RKM Sohra, da 428mm

Shillong: Ka jinghap slap, hynnin ka sngi ha Shillong, ka long 46.3mm, katba mynta ka sngi, ka long 32.2mm. Ha Sohra, ka jinghap slap, hynnin ka sngi, ka long 394.6mm, katba mynta ka sngi, ka long 38.8mm bad ha Umiam, hynnin ka sngi, ka long 13.0mm bad mynta ka sngi, ka long 26.0mm.

Ka tnat peit mariang jong ka sorkar India, ka India Meteorological Department (IMD), ka iathuh, ba kan don ka jinghap slap kaba jur bad kaba kham jur, ha ki bynta jong ka Shillong bad shnong ba marjan, ha ki 24 kynta ki ban wan bad nangta kan don ka jinghap slap kaba jur bad kaba jur bha, ha kiwei pat ki bynta jong ka jylla, ha kaba kan don ka jingkhie eriong bad ka jingtied pyrthat ruh ha ki jaka jaka.

Ka jinghap slap, ha Mawsynram, ka poi haduh 781.6mm, nangta ha RKM Sohra, ka long 428.6 nalor kiwei ki jaka.