Pyllait ka arrear, ioh ngin mih madan, byrngem ki nongtrei SSA

Shillong:Ki nongtrei jong ki skul Samagra Shiksha Abhiyan (SSA) hapoh ka lama ka All Meghalaya SSA Non – Teaching Staff Association (AMSSANTSA) ki la dawa na ka sorkar jylla ba kan pyllait noh ia ka arrear jong u naduh u Iaiong jong u snem 2023.

Ka President ka seng ka kong Jennifer Synrem, ka la ong ba ia mynta kim pat pan ia ka arrear kaba naduh u snem 2017 ter ter.
Ka kong Jennifer ka la maham ia ka sorkar ba lada kam ai ia ka hok kumba kila dawa, kim banse wat ban mih sha madan ban shah thngan kumba shong shah thngan ka kong Bindas Syiem, ban dawa maramot ia ka surok.

Ka la ong ba ka sorkar ka dei ban pynurlong ia kane ka jingdawa jongki hapoh 15 sngi bad lada kam lah, kin sa rai ban iaid da kiwei ki sienjam.

Ki nongtrei ka SSA ki ioh ia ka tulop kaba rit bad ka jingpynsah teng ka sorkar ban siew ia ka tulop jong ki, ka la wanrah jingeh shibun ban pyndap pynbiang ia ki jingdonkam jong ki, kiba man la ka sngi, ong shuh shuh ki tyllong khubor