Shillong 10 Jylliew: U samla Enlang Sawain u wei na ki nongiasait ain ha kajuh kapor u ba dei u Education secretary Ka seng Hynniewtrep Youth Council (HYC) sengkmie mynta ka sngi nyngkong, ka 10 tarik u Jylliew 2024, u la leit ban buh da ka jingujor sha ka meghalaya State Commission for Women ka ba don ha Lachumier ia ki pulit bad ia u SP ka East Khasi Hills District u Rituraj Ravi, ha kaba iadei bad ka jingjia leit thombor ia ka kong Bindas Syiem ka ba shong shah thngan ha additional secretariat, ban dawa na ka sorkar jylla ban maramot noh ia ka surok, Nongpoh, Umden, Sonapur.
Ka jingleit ban thombor ki pulit ia ka kong Bindas kadei ka ba la jia ha kamiet jong ka 8 tarik u Jylliew 2024.
Ha ka jingiakren bad ki lad pahai khubor nakaliang u samla Enlang Sawian u la ong, ba ka jingleit ban ujor jong u,kadei hadien ba la iohi ha ki rynsan social media, ba ki bor pulit ha ka jingialam u SP ki la thmu ban kyndang jubor ia ka kong Bindas, ka ba shong shah thngan marwei da kaba jai jai bad ka jingleh jong ki pulit da lei lei ruh ngim lah ban pdiang.
U la ong ruh, ba Ka jingwan jong ki pulit ha katei ka miet ym dei ba ki wan tang kimet suda hynrei ki la wan haryngkat ki tiar ban ban pyntriem. Kum Ki pulit kin nym lah ban wan tuklar khamtam ha ka jaka jong ki longkmie.
Kumta nakaliang ka seng ka kren da ka ba shai, ba lada kin dangbteng ban pyndik ia i kong Bindas Syiem ha katei ja ka shong shah thngan da ka bor nhi ruh ngi sa leh da ka ba tyngeh, la bynrap u samla Enlang.
Phi don ban ong eiei?