Shillong: U President ka NPP Meghalaya uba dei ruh u symbud myntri rangbah, u bah Prestone Tynsong ula ong ba la kyrpad jur ia u MP ka VPP bad ka Congress ba kin kyrpad noh wut wut mar synlong dorbar Parliament ba kin wanrah noh ia ka Central Bureau of Investigation (CBI) bad ka Enforcement Directorate (ED) khnang ba kin tohkit ia ki myntri sorkar ha kane ka jylla, khnang ban iashai kdar ia ka jingkynnoh bamsap ha kane ka jylla.
Haba kren mynta ka sngi sha ki lad pathai khubor, u bah Prestone u la ong ba ka jingkynnoh bamsap pyrshah ia ki myntri ka sorkar MDA ka bym lah shuh ban batai, bad khnang ban tip u paidbah baroh, ka dei shisha ne em, kan bha ia u MP ka VPP ba un iakren noh bad ka sorkar pdeng ba kin phah wan da ka CBI bad ka ED.
U la ong ba u pdiang sngewbha ia ka jingkren President ka VPP u bah Ardent M Basaiawmoit bad u dei ban bthah ia u MP jong ka party ban wanrah noh iaka CBI bad ka ED hangne ha Meghalaya, kumba u la ong.
U bah Prestone u la ong, “kila shu iakren shi kren tang ia kata ka bamsap, bad kila ialeh ia ka elekshon ruh ha kata ka mat bad ban iashai bha kdar kin sngewbha wanrah noh kloi bad ka sorkar MDA ka pdiang sngewbha khnang ba ki paidbah ruh kin tip la ka dei shisha ne em, bad lada dei kumno ban pyrkhat bad lada ym dei ruh kumno ki pyrkhat”.
niom beit ha U Prah.