Lah ban synshar biang ka NDA ha Delhi, nang tam ka VPP ha Shillong, ka Congress ha Tura

Shillong: Ki dak ki shin ki paw, kumba ka National Democratic Alliance (NDA), kan dang iai bteng ban synshar ha ka sorkar India. Na ki jingkhein kiba dang iaid haduh mynta, ka NDA, ka dang tam, ha ki 300 tylli ki Constituency. Ha kawei pat ka liang, la iohi, ba ka INDIA ruh kam shym da hiar than satia, kumba ki exit poll, ki pyni, namar ba ka la nang tam, ha kumba 200 tam ki Constituency.

Ha Shillong, la iohi, ba u kyrtong jong ka seng VPP, U Dr Ricky AJ Syngkon, u dang tam ha ka jingialeh bad ha Tura, U Saleng A Sangma, u kyrtong jong ka seng Congress, u dang tam shakhmat.

Kine ki jingkhein, kim pat dei kiba thikna bha bad ki lah ban kylla, katba ka jingniew vote, ka dang iai bteng shakhmat.