Ha ka rta kaba 93 snem, ia poikha biang U Murdoch, ha ka sien kaba san

U Rupert Murdoch, u heh spah, ha ka kam pynmih kotkhubor bad kiwei ki news channel, ula don 93 snem ka rta, hynrei, u ia poikha biang ha ka sien kaba san bad ha kane ka sien, u iapoikha bad ka Elena Zhukova.

Katei ka jing iapoikha kaba san jong U Murdoch, ka dei ha California, ha kaba U Murdoch, u ia poikha bad ka Elena Zhukova, kaba 67 snem ka rta. Ka Elena, ka dei ka biologist bad ka dei kaba la shongthait na ka kam.

Katei ka jing ia poikha jong U Murdoch bad ka Zhukova, ka dei hadien, ba ula ia pyllait noh, na ka jingiadei jongu bad ka Ann Lesley Smith, kaba dei ka heh pulit, ba la shongthait; ha u iaiong jong u snem ba ladep. Ka Zhukova, ka dei ka nong Russia bad ka la leit shong leit sah noh sha United States.
U Murdoch, u don hynriew ngut ki khun bad u ia poikha nyngkong eh bad ka Patricia Booker, kaba trei liengsuin bad kaba dei ka nong Australia, hynrei, ula ia pyllait sanshyieng noh ha u snem 1960.