Shillong: Ka Bharatiya Janata Party (BJP) Meghalaya, ka la kyntu ïa ka Sorkar Jylla ban kiar na kaba shim rai kyrkieh halor ka kam ban pynïasoh ïa ki college bad ka Captain Williamson Sangma State University.
“Ka kam kum ka jingpynïasoh ïa ki College ka dei kaba bun kiei kiei kiban don jingktah, khamtam ïa ka lawei jong ki samla pule, ka daw balei ka Meghalaya BJP ka kyntu ïa ka Sorkar ba kan nym shim rai kyrkieh halor kane ka kam,” ong u Nongaiktien ka BJP Bah M Kharkrang ha ka kyrwoh.
U ong ba ka party ka la ai jingmut ba dei ban khot shuwa ïa baroh ki kynhun ba don bynta ban ïasyllok bad ban poi sha ka jingïamynjur lang hashuwa ban shim ïa kum kane ka rai.
“Ka Williamson Sangma University ka dei kaba dang shu mih thymmai katba ka NEHU ka dei kaba la rim bad ba la paw. Ka degree na ka Central University ba la paw ka kham kor haba phai sha ka jingleit pule ïa ki kyrdan ba kham heh bad ka ïohkam ïohjam, ka jingshisha kaba hap ban pdiang shuwa ban shim ïa kum kane ka rai,” ula ong.
Ka dei kumba ong ki nongialam ka BJP Meghalaya, ban ym kyrkieh namar ioh poi shong lyngknot biang haba lah don ki sofa ne shuki set.