Khlad uwei, jah rngai sa lai ngut, naba twa khyndew ha shnong Nongpriang

Shillong:

Uwei u briew ula khlad katba lai ngut kiwei pat ki dang jah na ka jingshah rah ha ka jingtwa ka khyndew ha ka shnong Nongpriang, kaba hap ha Sohra konstitwensi jong ka Sohra Civil Sub-Division, East Khasi Hills District.

Kane ka la jia ha ka shnong Nongpriang kaba hap ban iaid kjat sha them namar ba kam pat poi surok.

Uba khlad uba la ioh sei la tip kyrteng kum u Bah Phisar Nongrum ba 75 snem katba kiba dang jah ki long Bah Kynmaw Syngai ba 70 snem, Kong Benti Riahtam ba 60 snem bad u samla Lumlang Riahtam ba 16 snem.

La iathuh ba u bah Kynmaw Syngai, kong Benti Riahtam bad Lumlang Riahtam ki dei na kajuh ka longiing.

Kine kila shah tap lup ha ka khyndew kaba twa bad leit rat ia ka iing ba ki sah.

Ka kynhun ai jingiarap kila hiar mar mar sha katei ka jaka ban wad ia ki briew kiba dang im.
La iathuh ba napdeng kine ki briew kiba khlad, ar ngut ki dei kiba la tynmen bad uwei u dei u khynnah ba dang 16 snem ka rta.
Ki briew na ka Search and Rescue Team ki dang pyllong ia ka jingwad ia ki briew kiba jah.