Shillong 29 Jymmang: Hadien ba ki pulit ka Sadar police station ki la khot hajir ia u president ka seng Hyniewtrep Youth Council (HYC) u bah Roykupar Synrem ha ka 28 tarik jymmang 2024,ban jubab ha lor ka jingleit pynpra ia ki iingsah beain ki powir ha lum survey bad ka jingleit khynra ka seng ia ki nongdih drok.
Ka nongialam ba hakhmat bad ki dkhot ka seng mynta ka sngi palei ka la wan ban synran sa ia u vice president ka seng u bah Donbok Kharkyngdoh ban leit jubab ha Sadar police station.
La sakhi ba hashwa ba ka seng kan rung ha poh ka sadar, ki la ia pyrta jam ia ka slogan ka ba ong “Tur Shaphrang Shipai ka ri” haryngkat ka jingpyrta, ka ba ong, ia u Drok ngin rad dyngkhong bad ban ong ruh, ba lada phi pynngat case ngim salia.
Kum ban shu pynkynmawha hangne ba ka seng HYC ka la leit ban kyndang bad pynpra ia ki iing jong ki briew ba sah beain ha Lum Survey myn haka 23 tarik u Jymmang 2024.
Lah ban kdew baki Pulit kila Register Case bad pynngat kyndon iaki nongialam ba hakhmat eh jong ka HYC haka ryngkat ka jingkynnoh ba kila pynkhien ain, haka sngi leit kyndang iaki briew ba sah ha Lum Survey.
Phi don ban ong eiei?