Shillong, Jymmang 28: Ki dkhot ka Hynniewtrep Youth Council (HYC) mynta ka sngi baar ka 28 tarik u jymmang 2024,kila leit ban synran ia u President u Bah Roykupar Synrem sha Sardar Police Station.
Ki pulit kila shah tang ia u Bah Roykupar Synrem ban rung sha Sardar PS katba ki dkhot, kila ap sha bar ka thanat. La sakhi ruh ka jingsyrtap ki bor Pulit ha phyllaw ka Sardar PS.
Kane ka jingwan u President ka HYC sha Sardar PS kadei hadien ka jingshah khot hajir halor ka jingleit kyndang bad leit pynpra naphang ka seng iaki iing ba sah beaiñ ha Lum Survey myn haka 23 tarik tarik Jymmang 2024.
La sakhi ruh, ba daki phew ngut ki dkhot ka HYC haka ryngkat ka jingpyrta pynrem iaka Sorkar bad iaka tnat Pulit kila leit synran ia u President u Bah Roykupar Synrem sha Sardar PS.
Lah ban kdew baki Pulit kila Register Case bad pynngat kyndon iaki nongialam ba hakhmat eh jong ka HYC haka ryngkat ka jingkynnoh ba kila pynkhien ain, haka sngi leit kyndang iaki briew ba sah ha Lum Survey.
Ha ka jingiakren bad ki la pathai khubor U president ka seng HYC u bah Roykupar Synrem u la ong, ba ka seng ka kloi ban iashimbynta ha ka jingkhot jong ki pulit ia ki nongialam ban tohkit.
“Nakaliang ka seng bad ki ba bun ki paidbah ki la dep iohi shai ia ka jinglong jingman jongkatei ka jaka ha lum survey bad ka seng ka la pyndep Ia la kajong ka kamram kumba ka la kren.
Ki pulit ki la buh sa ha kiwei pat ki sngi ban khot sa Ia 2 ngut ki nongialam, kata u vice president bad u secretary ban shim jingtohkitlang”, la ong u bah Roykupar.
Ia kine ki kyntien u bah Roykupar u la pynpaw haba iakren bad ki lad pathai khubor mynta ka sngi ha Sadar police station hadien ba u la mih na ka jingshah khot hajir ha ki pulit.
U la ong ruh, Kumba ba Ka seng ka la ieng ha ka nongrim ban ialeh bad ban iada nakabynta ban pynneh pynsah ia la ka jong ka jaitbynriew, bad kine ki jingpyngngat kyndon kidei ki jingiaid lynti jong ki nongialam, ba ngi hap ban mad .
Shuh shuh u bah Roykupar u la ong, ba ngi khmih lynti bad ngi sngewthuh ba haba ngi leh nakabynta ban iada ia ka ri bad ka jaitbynriew ki paidbah ki iohi bad lada ki paidbah ki don ha syndah bad ka seng ngim tieng bad ngim riej ha kine ki jingpyngngat kyndon.
If a person causes mischief by fire or any explosive substance intending to destroy any place of worship or human residence, they can be punished with imprisonment for up to ten years, or even life imprisonment, along with a fine. The crime of vandalism is often coupled with criminal trespass.