U Syiem Iapngar um nang ban kren Khasi: HNYF

Nongpoh 12, Naiwieng:
Ka Hynniewtrep National Youth Front (HNYF) Nongpoh Circle ka pyrshah jur ia ka pynlong dkhot ia u Syiem ka Raid Iapngar ha ka Federation of Traditional Durbar (FTD) ka KHADC ba ialam da u CEM Bah Pynshngain N. Syiem.
U President ka HNYF Nongpoh Circle u Bah Shambor Nongkling ula ong ka jingthung dkhot ka KHADC ia u Syiem ka Raid Iapngar ka long kaba thamamula namar ba um nang wat tang ban kren ia ka ktien Khasi bad kumno un nang ban pynneh pynsah ia kata ka jinglong Khasi.“Ka ktien ka thylliej, ka riam ka beit, ka riti ka dustur, ka shongkha shongman, ka lehniam leh rukom bad kiwei ki iapher bak-ly-bak bad kim iahap ki Syiem Ri Khasi”, la ong u Bah Nongkling.U la ong ba ki Barngar kiba shong basah ha katei ka Raid ki dei kiba shu tuh ia ka jait, ka kur ki Khasi, namar ki Barngar ki dang leh hniam Bihu.Kham mynshwa, ka HNYF, KSU, RBYF bad ka FKJGP ki la pyrshah ia ka jingioh Schedule Tribe (ST) jong ki Barngar.“Ngi dawa ba u CEM ba u dei ban weng mardor ia u tei u syiem ka Raid Barngar na ka jinglong kum u dkhot jong ka FTD”, u la ong.