Ong u Menangmankhraw bad u Gaurav, ki kiar na ka Social media bad kumta ki la poi sha ka thong

Shillong: U Samla Menangmankhraw Kharkongor jong ka St.Anthony’s, uba la ïoh ïa ka Top Position ha ryngkat u Gaurav Bharali jong ka St. Edmunds ha ka Higher Secondary School Leaving Certificate (HSSLC), kila ong ba ka jingkiar ïalade na ki social media bad ka jingtista ka dei ki shabi sha ka jingjop.

Baroh kine ki arngut- Menangmankhaw bad u Gaurav kila ïoh mar 468 marks ha kane ka eksam.
Haba sam beit ïa ki buit sha ka jingjop, u Menangmankhraw ula ong, ba ka routine jong u ha baroh shisnem ka long tang kawei bad ong ba kadei ka jinglong tista.
U la ong ba um da don eh ka routine namar man ka sngi ki bun kiei kiei kiba kylla bad kumta um lah ban buh ïa ka por ba thikna ban pule kot hynrei man ka sngi hynrei u la ju pule bad ju pynlut por katto katne kynta ha ka kot.

Une u samla ula pynpaw ba um don satia ïa ka mobile phone bad ong ba um don satia ïa kano kano ka social media account naba um don ïa ka phone. U la ong ba u pyndonkam da ka phone I mei. Kumta, kat ki message baphah na ka skul ne na ki paralok, la ju shim beit na I Mei.
Ula ai burom ruh ïa ka jingjop sha u Blei, ki Kmie Kpa bad ki Nonghikai.