Shillong, 11 Naiwieng:
U bah D.D Lapang President Meghalaya Pradesh Congress Committee (MPCC) ba la synranlang da u General Secretaries MPCC, U James S.Lyngdoh, Shri Sanjay Das bad ka State Mahila President, kong Joplin Scott Shylla ki la leit ban rakhe ia ka lyng khuh sngi kha ba 125 u Pt. Jawahalal Nehru ha Jawahalal Bhawan Dr.Rajendra Prasad Road, New Delhi ha ka 7 tarik mynta u bnai, bad ka phang pdeng jong katei ka jingrakhe ka long ‘Ym don jingsuk khlem ka jinglaitlud bad ym don jinglaitluid khlem ka jingsuk’ kiba dei ki jingkren u Nehru.
Ha katei ka jing rakhe ka la don ka jingiasyllok kaba la ialam da u Shri.Salman Khurshid bad u Shri.Gulam Nabi Azad. U Vice President ka AICC, u Shri.Rahul Gandhi u la donlang ha katei ka jingrakhe bad u la ai jingkren ruh.U bah Lapang u la iakynduh ia u Shri.Rahul Gandhi, Shri.Gulam Nabi Azad, Shri.Salman Khurshid.
Phi don ban ong eiei?