HA KABA MYNNYNGKONG

Dr. Bankit R Marpna

Lumkshaid, Lower Mawprem

Shillong-793002

Ka kyntiew nyngkong ka dei ka kyntien kaba wan ha shuwa jong kaei kaei ka kam ne ka jingleh jong ngi bad ka sa bud pat kaba hadien bad kumta ter ter. Kum ban shu ai nuksa, ki briew kiba ieng lain ban ap ia kano kano ka kam, ki ju ai shuwa ia kiba nyngkong namar ba ki lah poi shuwa ka por ban ia kiwei pat. Kano kano ka ka jait jam la ai (preference) ia kiba wan nyngkong.

Ka Ktien U Blei ka iathuh ia ngi ba ha shuwa ba U Blei Un thaw ne pynlong ia kiei kiei baroh, ka pyni nyngkong da kaba thoh kumne “Ha kaba mynnyngkong” (Jenesis 1:1). Ka jingmut hangne ba U Blei ha shuwa ba Un thaw ia u briew, U la thaw nyngkong ia ka bneng bad ia ka khyndew.

Hangne ngi sngewthuh shai ia ka ka dor jong ka jinglong nyngkong bad ka jinglong kyrpang ha kiei kiei baroh. Ka jingiabeh sha ka ka jinglong nyngkong ka long kaba donkam bha ha kine ki sngi namar ba ngi ia beh sha ka pyrthei jong ka juk jingstad bad ka juk jong ka jingkylla. Hooid, ka long long ka jingkyrkhu bad ka ai ka jingmyntoi haba ngi poi sha kane ka thong jong ka jinglong nyngkong katba ngi dang im ha kane ka sla pyrthei.

Ka Baibl ka ai jinghikai ia ngi ba ngi dei ban buh ia U Blei nyngkong ha ka jingim bad jinglong Khristan. Ka don ka jingong ba lada ngi buh nyngkong ia U Blei, kiei kiei kin iaid beit iaid ryntih kumba ngi kwah. U Jisu U ong ba ngi donkam nyngkong eh ban wad ia U Blei bad ia ka hok jong U bad ki jingdonkam jong ka jingim jong ngi ki briew, U Blei U lah tip lypa. Kaba mut hangne ka long ban wad shuwa ia ka hima jong U Blei bad ki lang tam kin sa bud nadien jong ngi “Hynrei phin iawad shuwa ia ka hima U Blei, bad ia ka hok jong u: te ia kine kiei kiei baroh yn sa ai lang tam ha phi” (Mathaios 6:33)

Lok baieid ha U Trai Jisu! Iano ngin wad nyngkong?