Pyrshah ain shipai ka NESO ha Garo Hills

Shillong, 9 Naiwieng:
Ka North East Students Organisation (NESO), ka pynpaw ia ka jingsngew pyrshah jur jongka, halor ka jing pyndonkam ia ka ain shipai AFSPA, ha kaba ka ong, ba ka dei ka tiar kaba thombor ia ki jaitbynriew rit paid jong ka thain shatei lam mihngi. La ong shuh shuh, ba ka dei lyngba ka jingdon jong ka AFSPA ha Manipur, kaba la pynmih ia bun bah ki seng kaikhlaw ha katei ka Jylla.
Na ka liang jong ka NESO bad ka GSU, kam ngeit ba ka Garo Hills, ka dei ban hap ha ka jing pynjari da ka ain shipai bad kumta ka NESO, ka pyrshah jur, ia ka jingpyndonkam ia katei ka ain ha Garo Hills, ong U bah Samuel Jyrwa Chairman ka NESO.